පළමු ලිපිය විදියට අපි බලමු, ඉඩමක් ගත්ත ගමන් හෝ ඔබේ දැනට තියෙන ඉඩමක කුමන හෝ ඉදිකිරීමක් කරන්න සැලසුම් කරගෙන ඉන්නවනම් මූලික වශයෙන් සැලකිලිමත් වියයුතු කාරණා කිහිපයක් ගැන.මෙහි සඳහන් කරණු ඔබේ සැලැස්ම අනුමත වූ පසු සැලකිල්ලට ගත හැකි කරණු වේ.
- බිම් සැකසීම (Land Preparation)
ඔබ ගොඩනැගිල්ලක් ඉදිකිරීමට ප්‍රථම, ඔබගේ ඉඩමේ සිදුකලයුතු මූලික ක්‍රියාකාරකම් කිහිපයක් පිලිබඳ පළමුවෙන්ම අවධානය යොමු කරමු.
1. අපජලය හා අපද්‍රව්‍ය බැහැරලීමට සුදුසු ස්ථානයක් තෝරා ගැනීම.
2. පානීය ජලය සපයා ගැනීමට සුදුසු ස්ථානයක් තෝරා ගැනීම.
3. ඉඩමේ ඉදිකිරීමට අවශ්‍ය බිම් කොටස එලි පෙහෙලි කිරීම.
4. ඉඩමට ඇතුළුවීමට සුදුසු මාර්ගයක් සකස්කරගැනීම.
සැලැස්මට අනුව ඉඩම සකසා ගැනීම (Setting out work)
මෙහිදී සිදුකරන මූලික කරුණ නම්, ඉඩමේ හිමිකරුගේ අවශ්‍යතාව මත, ගෘහනිර්මාණ ශිල්පියෙක් මගින් හෝ සැලසුම්කරුවකු විසින් අදින ලද සැලැස්මේ ඇති foundation, plinth beam වැනි දෑ නිවැරදිව පොළොවේ ස්තානගත කරගැනීමයි.
සාමාන්‍ය ඉදිකිරීමකදී අපි කුඤ්ඤ හා ලණු භාවිතයෙන් මෙකී ක්‍රියාකාරකම සිදුකරයි.
මෙහිදී,
1. පාදමට අදාල ප්‍රථම කොටසේ දිග පළල කූන්ය, ලෑලි හා ලණු භාවිතයෙන් නිවැරදිව සටහන් කරගනී.
2. ඉන්පසු පාදමේ ඉතිරිකොටස් නිවැරදිව කූන්ය හා ලණු භාවිතයට ගෙන නිවැරදිව ඉඩමේ සලකුණු කරගනී.
3. මුළු නිවැරදිව ඇතිද පරීක්ෂාකිරීමට පයිතගරස් ප්‍රමේය(3,4,5 ක්‍රමය) හෝ මුළු මට්ටම භාවිතයට ගත හැක.
4. ලණු වලට අදාල නිවැරදි ස්ථාන පොළොවේ සලකුණු කිරීමට ලඹයක්‌ භාවිතා කල හැක.
( පාදම විවිධ වූ කොටස් අදාල ස්ථානය පදනම් කොටගෙන වෙනස් වන්නට හැක. ගල් බැමි, කොන්ක්‍රීට් කණු, හෝ විවිධාකාරයට.)
පින්තූර කිහිපයක් පහතින් දක්වා ඇත.
Comments
Post a Comment