ඉදිකිරීමකදි අපි අනිවාර්යෙන් සැලකිලිමත් විය යුතු දෙයක් තමයි තත්වයෙන් උසස් අමු ද්‍රව්‍ය භාවිතය. බොහෝ විට ඔබ ඔබේ ඉදිකිරීම් ඉදිකරන්නේ ජීවිත කාලෙටම නිසා තත්ත්වයෙන් උසස් අමුද්‍රව්‍ය භාවිත ඉතාමත් වැදගත්.
අමු ද්‍රව්‍ය ගැන සලකා බලද්දී එහි ප්‍රධාන තැනක් ගන්නේ සිමෙන්ති, ඒක නිසා අපි මුලින්ම හොඳ සිමෙන්ති තෝරා ගන්නේ කොහොම ද කියලා බලමු .
මෙහිදී සඳහන් කරන්න බලාපොරොත්තු වෙන්නේ අපිට සාමාන්‍යයෙන් එදිනෙදා සිදුකරන්න පුළුවන් නිරීක්ශණ හා පරීක්ෂණ කිහිපයක්.
නිශ්පාදිත දිනය
අපි දන්නවා සාමාන්‍යයෙන් සිමෙන්ති අපිට භාවිතා කරන්න පුලුවන් නිෂ්පාදිත දිනයේ ඉදල මාස හයක් ඇතුළත. නමුත් ඔබ දන්නවාද සිමෙන්ති ගබඩා කරල තියන්න තියන්න සිමෙන්ති වල ශක්තිය අඩු වෙන්න පුලුවන් කියලා ?
උදාහරණයක් විදියට අපි මාස 3ක් ගබඩා කළ තියෙන සිමෙන්ති වල ශක්තිය 20% ~ 30% අතර ප්‍රමාණයකින් අඩු වෙන්න පුලුවන්.
ඒ වාගෙම මගේම මාස 6ක් ගබඩා කළ සිමෙන්ති භාවිතා කළොත් ශක්තිය 30% ~ 40% අතර ප්‍රමාණයකින් අඩු වෙන්න පුලුවන්.
ඉතින් හොඳම දේ පුළුවන් තරම් අලුත් සිමෙන්ති පාවිච්චි කරන එක තමයි.
සිමෙන්ති වල වර්ණය
සාමාන්‍යයෙන් සිමෙන්ති වල තියෙන්න ඕන අළු පැහැයක්. මෙය ඒකාකාරීව පැතිරුනු එකක් විය යුතුයි. පාට වෙනස් වීමෙන් පැහැදිලි වෙන්නෙ නිෂ්පාදන ක්‍රියාවලියෙදී අදාල අමුද්‍රව්‍ය මිශ්‍රණ වල වෙනසක් පවතින බවයි. ( වර්ණ ගැන්වූ සිමෙන්ති හැර.)
කැටිති / ගඩොළු සහිත බව පරීක්ශා කිරීම.
කැටිති / ගඩොළු ඇතිවන්නේ ජලවාශ්ප සිමෙන්ති සමඟ ක්‍රියා කිරීම හේතුවෙන්. මෙය නිෂ්පාදන ක්‍රියාවලියෙදි, ප්‍රවාහනයෙදි හෝ ගබඩා කිරීමෙදි සිදුවන්න පුළුවන්.
ජලවාශ්ප සමඟ මෙසේ ක්‍රියාකළ සිමෙන්ති වල කැටිති ස්වභාවය බොහොම ඉක්මනින් මුළු බෑගය පුරාම හෝ මුළු තොගය පුරාම ව්‍යාප්ත වෙන්න පුළුවන්.
ඇඟිලි තුඩු වලින් පරීක්ශා කිරීම.
ඇඟිලි තුඩු වලට සිමෙන්ති ස්වල්පයක් ගෙන පිරිමදින්න. මෙසේ කරද්දි නියම ප්‍රමිතියෙන් යුතු සිමෙන්ති සිනිඳු ලෙස දැනිය යුතුයි.
සිමෙන්ති ස්වල්පයක් ජලයේ දමා බැලීම.
ජල භාජනයකට සිමෙන්ති ස්වල්පයක් දමන්න. නියම ප්‍රමිතියෙන් යුත් සිමෙන්ති ජලයේ ගිලිය යුතුයි.
උශ්ණත්වය පරීක්ශා කිරීම
සිමෙන්ති බෑගය තුලට අත දමා බැලීමේදි සිසිලසක් දැනෙනවනම් එය හොඳ තත්වයේ පවතින අතර උෂ්ණත්වයක් දැනෙනවනම් එය අනිවාර්‍යයෙන්ම ජලය මුසුව පවතින්නට ඇත.
මෙහි සඳහන් කලේ අපට ප්‍රායෝගිකව ඉතා පහසුවෙන් සිමෙන්ති වල තත්වය පරීක්ශා කළහැකි ආකාර කිහිපයකි.
ආරම්භයේදී සඳහන් කල ආකාරයට ඉදිකිරීමකදී නිසි ප්‍රමිතියෙන් යුතු අමුද්‍රව්‍ය භාවිතය අත්‍යවශ්‍ය අංගයක්. මෙම ලිපිය ඒ සඳහා යම් තරමකින් හෝ ඔබට මඟ පෙන්වීමටයි.
Comments
Post a Comment