ටයිල් වර්ග ගැන හරියට දැනගමු.👨‍🏫

Photo by Gratisography from Pexels

ඉදිකිරීම් අමුද්‍රව්‍ය ගැන කතාකරද්දි, ටයිල් කියන්නෙ කතානොකරම බැරි මාතෘකාවක්. ඉතිං අද අපි ටයිල් වර්ග කීපයක් ගැන අවධානය යොමුකරමු.

1️⃣සෙරමික් ටයිල්

මේ තමයි අපි වැඩිවශයෙන් භාවිතාකරන ටයිල් වර්ගය. 

මේවා වැඩියෙන් ජනප්‍රිය වෙන්න හේතු :

▪ තෝරාගැනීමට ටයිල් ඩිසයින් රාශියක් තිබීම.  

▪ අනර්ඝ නිමාව

▪ කාටත් දැරිය හැකි මිලක් පැවතීම

▪ පිරිසිදු කිරීමේ පහසුව

▪ පහසුවෙන් සවිකිරීමේ හැකියාව

මීට අමතරව, සෙරමික් ටයිල් වල ප්‍රධාන වර්ග දෙකක් තියෙනව, ඔප දැමූ (Glaze)සහ ඔප නොදැමූ (Unglaze) ආකාරයෙන්.

සාමාන්‍යයෙන් ඔප දැමූ ටයිල් හොඳ පෙනුමක් ලාබගැනීම සඳහා ගෙදර ආලින්දයට වගේ යොදාගන්න පුළුවන් වන අතර, ඔප නොදැමූ ටයිල් වල ඇති Artistic or Rustic ගතිය නිසා බොහෝවිට බාත් රූම් වල පොළොවට, පිටත බිත්තිවලට වගේ පාවිච්චි කරන්න පුළුවන්.

ඔබ හොඳින් මතක තබා ගතයුතු දෙයක් තමයි මේ Glaze සහ Unglaze කියන වර්ග දෙක. 

Ceramic Tiles - Unglazed

Ceramic Tiles - Glazed

2️⃣පෝසිලේන් ටයිල්

ඔබට ලස්සන, කල්පවතින පෙනුමක් අවශ්‍යනම් භාවිතාකරන්න පුළුවන් ටයිල් වර්ගයක් තමයි මේ. මෙහි විශේෂත්ව විදියට,

▪ දිගුකල් පවතින ස්වාභාවික පෙනුම

▪ නිවසින් පිටත භාවිතය සඳහා යෝග්‍ය වීම

▪ වර්ණය වෙනස් නොවීම

▪ කාලයත් සමඟ ඉරිතැලීම් නොමැතිවීම

▪ නිතරම මිනිස්සු ගැවසෙන තැන්වල පොළොවට භාවිතා කළ හැකිවීම දක්වන්න පුළුවන්.

නමුත්, පෝසිලේන් ටයිල් ඇල්ලීමේදී එම කටයුත්ත පරිස්සමෙන් කරන්න පුළුවන් කෙනෙක් කරන්න ඕන, ඒ වගේම නියමාකාර සවිකිරීමක් සඳහා මතක ඇතුව ටයිල් ග්‍රවුට් හෝ ඇඩසිව් යොදාගන්න.

Porcelain tiles

3️⃣මාබල් ටයිල්

ස්වාභාවික අමුද්‍රව්‍යක් නිසා, ඔබේ නිවසට ඉතාම උසස් පෙනුමක් ලබාගන්න පුළුවන්. මෙහි අවාසි ගැන බැලුවොත්, මිළ අධික බව, ඉක්මනින් පැල්ලම් සහ සීරීම් ඇතිවීම හා ඒවා ඉවත් කිරීමේ අපහසුව, ලිස්සන සුළුබව වගේ දේවල් වලට අවධානය යොමු කරන්න පුළුවන්. 

ඔබ මෙය භාවිතා කරන්න අදහස් කරගෙන ඉන්නවනම් හොඳම දේ, නිවසේ අඩුවෙන්ම මිනිස්සු ගැවසෙන තැනක මෙය යොදාගනීමයි.

Marble tiles

4️⃣ග්‍රැනයිට් ටයිල් 

මේ වර්ගයත් ස්වභාවිකව තමයි නිශ්පාදනය කරන්නෙ. තෝරාගැනීමට වර්ණ ගනණාවක් නැති උනත්, ඉතාමත් අලංකාර පෙනුමක් නම් ඔබේ නිවසට ලබාගන්න පුළුවන්. මෙහි වාසි විදියට, කල් පැවැත්ම සහ පෙනුම සලකන්න පුළුවන් වගේම, අවාසි විදියට නිතරම නඩත්තු කිරීම සලකන්න පුළුවන්.

Granite tiles

5️⃣ලයිම්ස්ටෝන් ටයිල්

මේ වර්ගයත් ස්වභාවිකව නිශ්පාදනය කරන අතර, මෙය වඩාත් රස්ටික් පෙනුමක් ගන්නවා. මේ වගේ ටයිල් වල ස්වාභාවයෙන්ම පවතින සිදුරු සහිත බව නිසා, ටයිල් ඇල්ලීමෙන් පසු එම සිදුරු වසාදැමීම පිළිබඳ අවධානය යොමු කළ යුතුයි. හොඳම දේ, වාර්නිශ් වගේ ආලේප කිරීම. 

මෙහි ගැටළුව වන්නේ පිරිසිදු කිරීමේ ඇති අපහසුව. මෙය හිරිගල් වර්ගයක් නිසා, පිරිසුදු කිරීමට ආම්ලික හෝ අධික භාෂ්මික මාධ්‍යක් භාවිතා නොකරන්න ඔබ සැලකිලිමත් විය යුතුයි. 

6️⃣මොසයික් ටයිල්

මොසයික් එහෙමත් නැත්නම් විචිත්‍ර ටයිල්. මොනවද මේ?

ඔබ බොහෝවිට දැකල ඇති සමහර පූල් වල, බාත් රුම් වල තියෙන පොඩි කොටු ටයිල් එක. මේවා වීදුරු, පෝසිලේන්, සෙරමික්, ලෝහ වගේ අමුද්‍රව්‍ය වගේම වර්ණ් වර්ග කීපයකින් නිශ්පාදනය කරනවා. මේ ගැන වැඩිදුර විස්තර අවශ්‍ය නැති උනත්, ඔබට හොඳ කලාත්මක ඇසක් තියෙනවනම්, මේවා යොදාගෙන ලස්සන ඩිසයින් ගොඩනඟන්න පුළුවන්. 

Mosaic Tiles

🔴 මීට අමතරව අපට ලංකාව තුල සුලබව සොයාගන්න නැති උනත්,

• ග්ලාස්

• ට්‍රැවටින්

• රෙසින්

• සිමෙන්ට්

වගේ ටයිල් වර්ගත් අවශ්‍යතාව අනුව භාවිතා වෙනවා.

සටහන ✍✍

කල්ප මධුශංක

DR. Build ®️

ගැටළු තියෙනම් Comment එක්ක දාගෙන යන්න.