සල්ලි දීල ගන්න කලින් මේ දේවල් කරල බලන්න,. 🤔

Photo by Designecologist from Pexels

අපි නිවසක් හරි නැත්නම් අපේ කුමන හෝ ගොඩනැගිල්ලක් ඉදිකරත් වියදම් කරන්නෙ අපි අමාඅරුවෙන් හොයපු සල්ලි. ඉතින් ඒ නිසා අපි බලන්නෙ පුළුවන් තරම් හොඳ වගේම කල්පවතින විදියට මේ වැඩේ කරගන්න. එහිදී බොහෝවිට අපි හරිම පරිස්සමෙන් තමයි හැමදේම කළමනාකරණය කරගන්නෙ.

මේ වගේ අවස්තාවක, ගෙවන මුදලට හරිදේ ගන්න බැරි උනොත් අපිට පාඩු වෙන්නෙත් මුදල් වලින්ම නෙවෙයි. 💵💵

මේ ලිපියෙන් අද මම ඔයාලට ගේන්නෙ, කොහොමද නිවැරදිව ඔයාලගෙ ඉදිකිරීමක් කරන්න ගඩොල් තෝරගන්නෙ කියල. 👨‍🏫

ලිපිය කියවල ඉවරවෙලා ශෙයා කරල සපෝර්ට් එකක් දෙන්න...👍🤘

1️⃣ මැනල බලන්න,

හොඳ ගඩොලක් උනාම නිවැරදි ප්‍රමාණයෙන් තිබිය යුතුයි. ඔබ ගඩොල් ගන්න ගියාම, අහඹු ලෙස ගඩොල් කැට දෙකක් අරන් බලන්න දෙකම එකම ප්‍රමාණයේද කියල. එකම ප්‍රමාණයේනම් ගැටළුවක් නෑ. එහෙම නැත්නම් ගැටළුවක්,
ගඩොල් වල ප්‍රමාණය ඒකාකරී නොවුනොතින් බිත්ති ඇඳ වෙන්න පුළුවන්. එවිට වැඩ වැඩියි, ඒ කියන්නෙ වියදම වැඩියි.

 

මැනල බලන්න

2️⃣ අඩි 5කින් අතහරින්න,

මේක තමයි ලේසියෙන්ම කරන්න පුළුවන් වැඩේ. ගොඩොල් ගන්න ගියාම, එතනින් එක ගඩොලක් අරන් සාමාන්‍යයෙන් අඩි 5ක් වගේ උසක ඉඳල තිරස් අතට පොළොවට අතහරින්න. 

හොඳ ගඩොලක් නම් ඒක කැඩෙන්නෙ නෑ, නමුත් පොඩියට කොන් වලින් කැඩුනට ගණන් ගන්න එපා. 

ගඩොල කැඩුනොත් නම් ඒ ගැන හිතන්න…

අඩි 5කින් අතහරින්න

3️⃣ පාට බලන්න,

ගොඩොලක තියෙන්න ඕන පාට ඉතින් හැමෝම දන්නවනෙ. හොඳ ගඩොලක් උනාම ඒක එකම පාටින් තියෙන්න ඕන. ඒ කියන්නෙ ගඩොල පිච්චුනාට පස්සෙ තියෙන්න ඕන රතු දුඹුරු පාට මුලු ගඩොල පුරාම ඒකාකාරීව තියෙන්න ඕන. එහෙම නෑ කියන්නෙ ගොඩොල හරියට පිච්චිල නෑ කියල තමයි.

ඒ වගේ ඒකාකාරී පාටක් නැති ගඩොල් ශක්තිය අතින් ඉතාමත් දුර්වලයි. 

4️⃣ සද්දෙ අහන්න,

මේ දේ නම් හැමෝටම මතක ඇති. කොහොමද හොඳ ගඩොලකට තට්ටුවක් දැම්මම එන සද්දෙ? හොඳ පැහැදිලි සද්දයක් තමයි එන්නෙ. ඉතින් අපි ඒ දේම ගඩොල් දෙකක් අරන් එකට ගහල බලන්න. ඒ දෙක එකට වදින කොට එන සද්දෙ හොඳ පැහැදිලි සද්දයක් නම් කිසි ප්‍රශ්ණයක් නෑ ගොඩොල් ටික හොඳයි.

සද්දෙ අහන්න

5️⃣ නියපොත්තෙන් හූරල බලන්න

මේකනම් ඉතාමත් සරල දෙයක්. අපි නියපොත්තෙන් ගඩොලක් හූරන්න උත්සාහ කරාට හොඳ ගඩොලක් නම් එහෙම හූරන්න අමාරුයි, හූරන පාරවල් වත් තියෙන්නෙ නෑ. 

හූරල බලන්න

හොඳයි, මේ ලිපියේ සඳහන් කරල තියෙන්නෙ අපිට ප්‍රායෝගිකව වගේම ඒ අවස්ථාවේදීම කරන්න පුළුවන් පොඩි ටෙස්ට් ටිකක්. ඉතාමත් සරල උනත්, මේ දේවල් මඟින් ඔයාල ගෙවන මුදලට නිසි ප්‍රමිතියෙන් යුතුව ගඩොල් තෝරාගන්න පුළුවන් ක්‍රමවේදයන් කිහිපයක් පැහැදීලි කරනවා…

ඉහත සඳහන් කරපු දේවල් වලට අමතරව, නිසි ප්‍රමිතියෙන් යුතු ගඩොල් ප්‍රවාහනයේදී හානි වෙන්න පුළුවන් උපරිම 3% - 4% ත් අතර ප්‍රමාණයක් විතරයි. ඒ කියන්නෙ 100ක් අරන් ගියොත්, 3ක් 4ක් වගේ ඩැමේජ් වෙන්න පුළුවන්. මේවා අපි සාමාන්‍ය ඉදිකිරීම් වලදී wastage percentage කියල හඳුන්වනවා. 

ලිපිය වැදගත් කියල හිතෙනවනම් ශෙයා කරල සපෝර්ට් එකක් දෙන්න…

Comment එකකුත් දාගෙන යන්න…

සටහන ✍✍

කල්ප මදුශංක.

DR. Build®